மாந்தீரீகர்களுக்கு அரசு எச்சரிக்கை! ஜனாதிபதி திண்டாட்டம்?

மாந்தீரீக கொள்கைகளை கொண்டு பிழைப்பவர்களுக்கு எதிராக, எதிர்காலத்தில் கடும் நடவடிக்கை மேற்கொள்ளப்படும் என அரசாங்கம் எச்சரிக்கை விடுத்துள்ளது.

இந்த எச்சரிக்கையை சமூக சேவைகள் அமைச்சர் பீலிக்ஸ் பொரேரா விடுத்துள்ளார்.

தமது அமைச்சுக்கு இது தொடர்பான சட்ட ரீதியான பின்னணி ஒன்று இல்லாத போதிலும், பாதுகாப்பு அமைச்சின் ஊடக அமைச்சரவை பிரேரணை ஒன்றை தாக்கல் செய்ய உள்ளதாகவும் அமைச்சர் குறிப்பிட்டுள்ளார்.

இதனூடாக மாந்தீரீகம் தொடர்புடையவர்களுக்கு எதிராக கடும் நடவடிக்கை மேற்கொள்ளப்படும் என்றார்.

இதனிடையே, மாந்தீரீக கொள்கைகள் மூலம் மக்களை அடிமைப்படுத்தி பணம் வசூலிப்பது தொடர்பிலும் தமக்கு முறைப்பாடு கிடைக்கப் பெற்றுள்ளதாகவும் அமைச்சர் பீலிக்ஸ் பொரேரா குறிப்பிட்டுள்ளார்.